رسالة من جنكيز خان

رسالة من جنكيز خان
تحية مغولية
لحفيدى اللى بيدمر
البلد دية
فرحتنى يا هولاكو
لما حرقت الورق
ومحيت وعملت قلق
وشعب تراثه اتحرق
وهزيت هيبة بلد
مصر اللى محيرانى
ومش لاقيلها حل تانى
لا من ليبرالى ولا علمانى
ولا سلفى ولا اخوانى
نفسى انشف النيل
واقلب نهارهم ليل
نفسى اهد الهرم
واسوقهم زى الغنم
وامنع عنهم المطر
واوطى صوت الادان
وصوت جرس الكنيسة
دى باين سنة كبيسة
نفسى اعرى البنات
واعرضهم للى يقول هات
نفسى اخلى الشباب تايهة
مش عارفة على فين رايحة
ونفسى كل زوجة
تقول لزوجها توبة
مش عايشة تانى معاك
وتوبة من دى النوبة
عرى وعريناهم
سكر واسكرناهم
جنون وجنناهم
تشريد وشردناهم
بصراحة شعب عنيد
عمال يعيد ويزيد
ولا همه حد اكيد
من كتر اكل الفول لسه
مبقاش مسطول

بصراحة شعب مجننى
هيخلص عاللى فاضل منى
دايما صاحى وبيفكر وكل كلامه سكر
وعنده قيم غالية
لو راح اخر الدنيا
وكل ماهد لهم حاجة
يبنوها فى نفس الثانيه
دا صحفى اعتقلوه
دا شاب سحلوه
دا جيش شتموه
ودى شرطه كانت قويه
عاشت لخدمة نظام

فاسد فى كل مكان
ربهم تاب عليهم
وبقوا اصحاب ليهم
فكر معايا تانى
ازاى ازلهم وازود همهم
وارمل امهم واطلق اختهم

يا مصرى ازاى اهدك
واضيع كمان هيبتك
فاكر مكتبة بغداد
كان فيها العلم زاد
عبرنا عليها البحور
وعملنا منها بخور
بس يا خسارة دى مصر
منارة كل عصر
مش قادر معاها افكر
ام الصبايا البكر
وتانى قولى ازاى

 

التصنيف : في حب الوطن